د ملي مترقي دموکراتیکو ځواکونو د ائتلاف اړتیا
ولی منگل
د اتم د ثور ۱۳۷۱ غمیزه چې په نتیجه کې په افغانستان کې جمهوري دموکراتیک حاکمیت ړنګ شو ؛او په هغه کې د خلک دموکراتیک ملي مترقي ګوند متلاشي او شنډ شو، ورپسې په لسګونو ډلو وویشل شو، تمه خو دا وه چې لکه په نړۍ کې ورته د یوې نظریې او مفکورېګوندونه ، سره به بیا متحد شي او د یوه چتر لاندې به سره راغونډ شي او د خلکو او هېواد پر وړاندېبه خپل رسالت تر سره کړي؛ خو د خواشینۍ ځای دادی چې تردې وخته نه دي توانیدلي چې دا دندهتر سره کړي؛ او دا هم په داسې حال کې چې دهغوی لپاره د راټولیدلو پراخې زمینې او انګیزېموجودې وې او لا دي.
نن د افغاني عدالتخواه ، پرمختګ پلوو ملي ولسواکو ځواکونو ، ګوندونو او غورځنګونو ؛ د راټولیدنې پرمخ کې لوی خنډ او ستونزه دا وه او ده چې، هغوی په تېر وخت کې غرق دي؛د یو رهبر او بل رهبر، دیوې ډلې او بلې ډلې، په محکمه کولو بوخت دي.اساسي بنسټيز اصول او ارمانونه شاته غورځولشوي دي؛ د زرګونو ګلګون کفنو شهیدانو هدیرېهېرې شوې دي.
هر هغه چا چې څو تنه پر خپل ځان راتاو کړي دي؛ د تېر ځواکمن او هېوادني دموکراتیک غورځنګ پهټوټې ټوټې شیشه کې ورته ځان مشر او رهبر ښکاري.
دا د مشرتوب او رهبرۍ رنځ او مرض، تېر مترقي غورځنګ د یوه داسې مزمن مرضي حالت سره مخکړی دی ، چې تر اوسه پورې یوه مشر ، ډلې او یا ګوند، نه دي، توانیدلي چې، د ملاحظې قابل او وړاکثریت پر شاوخوا راغونډ کړي؛ دا په داسې حال کې چې مرامونه، ارمانونه او نظریې یو دي؛ وطنمو یو دی ، غمیزه او تراژيدي مو هم یوه ده.
څرنګه کولای شوو چې دا د تشتت او شیندلي حالت نه خلاص شوو ، پرې غلبه پيداکړو ؛ او د همفکرو ګوندونو او غورځنګونو یو لوی مترقي هېوادنی ائتلاف یا ګوندرامنځ ته کړو؟
ټول پوهیږو چې دا یوه ستونزمنه مساله ده، خو ناممکنه نه ده.
ځکه ناممکنه نه ده چې فکر واند، آرمانونه ، مرامونه او خطلاره مو یو دي.
موږ له ټولو ستونزو سره سره ، په یوه لوی ائتلاف کې تر یوه چتر لاندې راټولیدلای شوو، که چیرې کې په یوه رنځ او مرض، چې هغه د مشرتوب او رهبرۍ مرض دی؛ غلبه وکړو.
د ائتلاف او وحدت لپاره بېلبېل میتودونه شته، چې کولای شوو د یوه تشکیلاتي میکانیزم په چوکاټ کېد وحدت په بهیر کې ټول خنډونه له لارې لیرې کړو.
د مثال یا بېلګې په توګه په یوه بلنلیک، فراخوان باندې سره جرګه شوو؛ هوکړه وکړو، بیا وروسته د هرسازمان، ګوند څخه یوې رهبري یا لارښودې شورا ته په مساويانه ډول غړي ورمعرفي کړو.
دا شورا د ائتلاف ټول مشر په دوراني توګه د خپل منځ نه د یوې مودې لپاره وټاکي.
لنډه دا چې، د ائتلاف لپاره ډېر تشکیلاتي میکانیزمونه او مېتودونه شته، چې د هغو په پرمټ یو لوی پرمختګ پلوه ، ټولنیز عدالت غوښتونکیسراسري غورځنک رامنځ ته کړو.
د افغانستان ملي دموکراتیک ځواکونه باید د مایوسۍ له حالت نه ووځي؛ او خپلې بریاته هیله مند واوسي
په نړۍ کې د سوسیالیستي بلاک له ړنګېدلو سره ، افغاني مترقي قوتونه په ټولیز ډول، په خپلې { بیابریا} شکمن شوي او مایوسه شوي دي.
هغه څوک چې عقیدتآ په اجتماعي عدالت ، د بشري ټولنې تکامل په فلسه ، د په پيځو فرماسیونونو، پهانساني ارزښتونو چې ، انسان د خپل ټول عمر په بهیر کې د هغو لپاره په مبارزه او جدوجهد لګیادی،
باورمند باید واوسي ؛ چې نن هم دا مبارزه تر نهایي او وروستي بري پورې دوام لري.تاریخ تکراریدونکی دی.
په داسې حال کې چې نړۍ بې ساري بې انصافه او غیرې مساویانه شوې ده ؛ د ټولې نړۍ ۹۹٪سلنه سرمایه د گوتو پر شمار سرمایه دارانو په لاس او ګورت کې ده ، غریب لا غریب کیږي او موړ لامړیږي ، د تخنیک او اتومازیشن نا متوزن رشد او وده ، د غریبانو څخه وروستۍ وچه مړۍ اخلي ؛نړۍ د زړو زورورو شوکمارانو په څېر لا هم د نویو استعمارګرانو له خوا لوټل کیږي، زموږ د سترګو پهمخ کې هېوادونه لاندې کیږي .
که موږ دا نظریه او تئوري ومنو چې ، د انسان بشپړ پخوانۍ تاریخ د ټولګیو یا طبقو د مبارزو تاریخدی ؛ او د زحمتکشانو یا ستم ځپلو او ټولنیزې بې عدالتۍ ځپلیو په لاس د استثمار ګرانو اوپانګوالانو مړینه ناگزیره او حطمي ده ، چې له هغې وروسته یو داسې نظام راتلونکی دی چې،اجتماعي عدالت، انساني لوړ ارزښتونه پکې تامین وي،نو ملي دموکراتیک مترقي قوتونه باید ډاډهاوسي چې دهغوی بریا هم حطمي ده .
نړیوال تکاملي بهیر د څو قطبه پر لور روان دی؛لکه ټول تاریخ ، په اوسني تاریخ کې هم یو خوا داستثمارګرو ، او بل لور ته د استثمار ځپلو په منځ کې مقابله او مخامختیا ده؛ خو په دغه مخامختیاکې ، که زر وي یا وروسته ، بریا د حق او عدالت د ليارې د مدافعینو ده.
موږ ملي مترقي قوتونه ، د اجتماعي عدالت ، د انسان د لوړو ارزښتونو پلویان او مدافعین ،پوهیږوچې په نړۍ کې د نوي لیبرالیزم سیستم ، له ډیرو کلونو راهیسې د جوړښت له بحران سره مخ دی.
زموږ مسئولیت دا دی چې ،د دې سیسټم پروړاندې په سیمه ییزه او نړیواله کچه له بېلابېلو لارو خپلهمبارزه وکړو ؛ ملي دموکراتیک او د ټولنیز عدالت غوښتونکي ځواکونه ، باید په نظریاتو کې د دغهسیستم د پوهیدو لپاره موجود نظریاتي شالید وکاروي ؛ او کیڼ اړخي قواعد ، او ارزښتونه ، عدالت اوډیموکراسۍ ته خلک د خپلې مبارزې له لارې راوپاروي.
نننی ورځ ملي مترقي عدالت خواه مفکوره ، د پرون په څیر ده ؛ دا
هغه ځواک دی چې ، د کارګرانو او منځنۍ طبقې لپاره هڅه او کار کوي او د آزادۍ ، مساواتو،هوساینې او د ځوانانو او دراتلونکو نسلونو لپاره مطلوبه او روښانه راتلونکې غواړي.
چېرته چې پانګوال نظام حاکم وي ، دا غورځنک د فرد د ناروا کارونې او د هغه د استثمار ، د اضافيسود لپاره د انسان د زحمت نه ناوړه استفاده کول، لکه پرون نن هم غندي او مخالفت یې کوي.
خو دا پدې مانا هم نده چې په پانګوالي سیسټم کې لاسته راغلې لاسته راوړنې و نه کارول شي. مګریو څوک باید دا حقیقت ومني چې پانګوال نظام د انسان حطمي او ضروري اړتیاوې نه پوره کوي.
ملي مترقي عدالتخواه د ازادۍ ، ټولنيز عدالت او ټولو لپاره د فرصتونو او مساواتولپاره مبارزه کوي ، په نړۍ کې د مادي او معنوي فرصتونو د سمې کارونې لپاره ؛ دټولنیزې بې عدالتیو پر ضد د یوه ټولیز یو موټي تحریک او ائتلاف غوښتنه کوي.
د عدالت خواه او دیموکراتیک ائتلاف مسؤلیت دا دی چې په هېواد کې د ټولو انسانانو هوساینې لپارهکار وکړي ؛ او د داسې نړیوال نظم د جوړونې لپاره چې نړۍ له ظلمه او بې عدالتۍ پاکه وي هڅه اوهاند وکړي.
ملي مترقي عدالتخواه قوتونه څوک دي او له کومه دا کلمه او تفکر راپيدا شوي دي؟
په سیاسي ادبیاتو کې ، کی اکثرا دا هغه انقلابي مترقي ځواکونو دی چې په ټولنه او هېواد کې دګړندیو او مترقي بدلونونو غوښتنه کوي ؛ چې د اقتصادي عدالت ، برابرۍ رامینځته کولو ، د استعمار پر ضد پر نړیواله مبارزه ټینګار کوي او د انقلابي میتودونو پلي کولو لپاره د دولت څخه د اقتصادينظارت ؛ او د پانګوالۍ منافعو پر وړاندې د خوزښتونو غوښتنه کوي.
یاده باید شي چې { انقلابي میتودونه } ، حطمي په دې مانا نه دي چې، د مترقي تغیراتو لپاره دېزور ، وسله واله مبارزه او یا نظامي قیامونه ترسره شي.دلته هر هغه مترقي بدلون ته چې د چپو قوتونود مبارزې له کبله رامنځ ته کیږي ؛ او د خلکو د هوساینې او انساني ارزښتونو لپاره وي، انقلاب ویلایشو.
دغه ډلې په سیاسي او اقتصادي حقونو کې د خلکو د برابرۍ غوښتونکي دي ؛ او د خلکو د ګټو لپارهپه اقتصادي چارو کې د حکومت مداخلې ملاتړ کوي. دغه مترقي غورځنک غواړي چې ، ځواک او ګټېباید د خلکو په مینځ کې مساوي وویشل شي.
د مثال په توګه ، د اقتصادي عدالت ترویج ، مساوات ، د ښکیلاک پر ضد نړیوالې مبارزې باندې ټینګار، او د پانګوالۍ نه د سود لټون او اخیستنې پر وړاندې مبارزه ، د هغوی ځانګړتیاوې دي.
هغوی د دولت پر مسؤلیت باور لري ، چې د خلکو هوساینې لپاره زمینه برابروي ، په مساواتو باور لرياو طبقاتي او اشرافي امتیازات ردوي ، په ټولنیز عدالت باور لري ، د محرومو خلکو ملاتړ کوي او هغودودونو ته درناوی چې ټولنه په وروسته پاتې والې کې ښکېل او ساتي ردوي.
وروستۍ خبره
د افغانستان ملي مترقي عدالت پالو، همفکرو ځواکونو !
د دغه هېواد د میلیونونو وګړو سترګې د تاسو په لور دي؛ستاسو لاره څاري، چې کله هغوی د بېسارې ناروایۍ ، بې عدالتۍ ظلم او استبداد له کړیو نه خلاصوئ.
جګړه هره ورځ له هغوی نه قربانۍ اخلي؛
مفسد ، غله او وینې څښونکي د واک او قدرت سفاکان ، د غریب له دسترخوان څخه وروستۍ وچهډوډۍ لوټوي؛ د هېواد مادي شتمني د غارتګرو هېوادونو له خوا تالا کیږي، د جګړې د ختمون څرک نهلیدل کیږي.
په داسې غمیزه کې فقط او یوازې تاسو یاست؛ چې دې تراژیدۍ ته د پای ټکی کښېږدی؛ د یوکارکوونکي، قانون نه ماتوونکي ، د فساد او خیانت نه فارغ ، دولت جوړوونکي جمهوري حکومترامنځ ته کړی!
د ټولو هغو مترقي او هېوادپالو ځواکونو چې ، پردې جنګ ځپلي ولس یې زره زړه دردیږي؛ زرترزره پهیوه هېوادني غورځنګ او ائتلاف کې سره راغونډ شي؛ او د ملت او وطن په وړاندې خپله وجیبه اورسالت تر سره کړئ!
بامداد ـ دیدگاه ـ ۱/ ۲۰ـ ۰۱۰۹
یادداشت : دیدگاه های ارایه شده اندیشه و نظر نویسنده را بازتاب می دهـد. دیدگاه های حزب آبادی افغانستان دراسناد و اعلامیه های رسمی آن انعکاس یافته است .
Copyright ©bamdaad 2020